TE ORO TAPU
I whakakaupapatia a Te Oro Tapu hei whare kōrero e whai wāhi ai te iwi Māori ki te tuari whakaaro, me te tuari kōrero hei whakatupu i te puna mātauranga me te puna whakaaro e hāngai ana ki tēnei taonga te wairua me ōna āhuatanga katoa.
HE MAIMAI AROHA
He pae whakamaharatanga a Te Oro Tapu ki a Paraire Huata o Ngāti Kahungunu me tana kaha ki te kaupare i ngā aukume o te mate hinengaro, me te whakamāmā i te ngau o te kaikino hei toko i te ora o te iwi Māori whānui.
Kua āpitihia nei he ‘Hikonga Wairua’ e waiatahia ana e Paraire.
Nā Te Morehu Tuhua te waiata nei ‘Ko Koe Te Ariki’ i tito, nāna hoki i whakaae kia waiatahia e Paraire.
THE CLOAK OF TE ORO TAPU
Kei roto i te karakia, ka kitea ēnei āhuatanga:
Wairua
Waiata
Waiora
I ahu mai te ingoa Te Oro Tapu i a Ngamaru Raerino (Ngāti awa, Ngāi Tūhoe, Te Arawa). Ko te whaikī ka whatu i te korowai o Te Oro Tapu i kōrerohia ki a Ngamaru e tōna karanga matua e Teoti Te Rame Raerino (Ngāti Awa), ā, ka kōpakina te ngako o te whakaaro i riro i te ‘puna kōrero’, te tini o ngā kaitiaki kua tohaina atu rā o rātou ake māramatanga o te ao wairua.
Pāwhiria ki raro iho ki te whakarongo ki ngā whaikī.
RESOURCES
He kohinga whakaaro te Kupu Whakarei i ahu mai i ngā whēako o ētehi puna kōrero nō te motu whānui. Kei roto i ēnei kupu ko te māramatanga o tēnā, me tēnā e hāngai ana ki te wairua, te waiora, me te waiata.
He kohinga ataata, he hopukanga oro te hikonga wairua e whakaahua ana i ētehi waiata, ētehi kohinga whakaaturanga me ētehi uiuinga kaimahi e pā ana ki ngā āhuatanga katoa o te wairua, te waiora me te waiata.
E whakahaerehia ana te kaupapa ‘Aku Tangi Kōrero’ hei hui topa i waenga i te marama o Whiringa-ā-rangi 2020, me te marae o Pipiri 2021. Ko te kaupapa matua o ēnei hui topa, ko te karakia.
