He hāpori ipurangi a Te Oro Tapu mō te hunga kaimahi Māori e hāngai ana ki te tā te Māori tirohanga ki tōna ao. He taiao whakaawe tāngata a Te Oro Tapu kia whānui te titiro ki tēnei mea te mātauranga Māori. He mea whakahihiko anō i te hunga kaimahi kia whāngai i ōna ake kōrero, ōnā whēako, me ōna whakaaro ki te whakatupu i te puna mātauranga o te kaupapa, ka mutu, he waihanga rauemi te hua nui ka puta hei wānanganga, otirā hei whakawhanake i tēnei kaupapa
Ko te tumanako ka whaia e koutou he rauemi e whakahihiko nei i ngā wairua o te hunga ka hono mai.
PARAIRE HENARE TOMOANA HUATA
23/01/1947 - 12/05/2014
Ngākau nui ana a Paraire ki tōna Ao Māori, pūmau hoki ana ia ki te ako me te wero i ngā rerekētanga o te whakaaro Māori me te whakaaro Tauiwi i roto tonu i te ao hauora.
He hoa piripono a Paraire, otirā, he kaiako, he kaitiaki, he kaiārahi i te tangata. Nāna hoki ngā pou tarāwaho o te ao hauora pēnei i te Pōwhiri Poutama, te Poukapa Rangi, Te Ariari o te Oranga, me te tiaki kaupapa.
He nui anō tōna aroha ki ana tamariki, ki ana mokopuna, me ana uri katoa, he nui hoki tōna hākoakoa i te kakama ōna ki te whiu pātai!
Ka ora rawatia āna mahi nunui i roto i tōna whānau, ki roto hoki i ngā ngākau o te hunga nāna rātou i whakaako.
ĒTEHI O NGĀ ‘PUNA KŌRERO’
O TE KAUPAPA
Te rārangi muri mai te mauī ki te matau: Tracey Brown, Valerie Williams, Tania Tito-Edge, Te Mairiki Williams, Witi Ashby, Tohe Ashby.
Te rārangi waenga mai te mauī ki te matau: Koromiko Richards, Hinewirangi Kohu Morgan, Beverley Hall-Smith, Wiremu Ashby, Terri Cassidy, Vicki Martin-Smith.
Te rārangi mua mai te mauī ki te matau: Te Atutahi Riki, Ngamaru Raerino, Terry Ryan, Ron Baker.
